chattan ke saaye men khada soch raha huun
main ab-e-ravan kis ke liye thahr gaya huun
paani men chamakta hai koi mehrban saaya
shaffaf samundar hon use chuum raha huun
patthar ne pukara tha main avaz ki dhun men
maujon ki tarah charon taraf phail gaya huun
ik siip to le aaya tha paani men utar kar
maana ki use ret pe ab phenk chuka huun
sahra-e-havas apni taraf khinch raha hai
main andhe samundar ki taraf dekh raha huun
Leave a Reply