ye surma.i afaq ye sham.on ke dhundalke
aa jaao bhi yadon ke jharokon se nikal ke
divane chale aate hain sahra se nikal ke
rakh den na kahin nazm-e-gulistan hi badal ke
phulon ki tarah un ki hifazat hai zaruri
ye aaj ke bachche hi baḌe hote hain kal ke
hai jab to tahammul ki koi aah na nikle
ik ashk ka qatra miri palkon se na Dhalke
do roTiyan izzat se jo mil jaa.en to bas hai
darvaze pe le jaa.e na vaqt ahl-e-duval ke
jaa.en to kahan jaa.en tire chahne vaale
halat ke tapte hue sahra se nikal ke
ham dast-darazi ke to qaa.il nahin saaqi
hisse men hamare bhi agar mai ho to chhalke
fankar ki munh bolti tasvir hai fan bhi
tum kya ho bata dete hain ash.ar ghazal ke
kaafi hai hamare liye miTTi ke gharaunde
ham ḳhak-basar ahl nahin ‘taj’ mahal ke
Leave a Reply