majrooh-sultanpuri

Khanjar Ki Tarah Bu-E-Saman Tez Bahut Hai

khanjar ki tarah bu-e-saman tez bahut hai

mausam ki hava ab ke junun-khez bahut hai

raas aae to hai chhanv bahut barg o shajar ki

haath aae to har shakh samar-rez bahut hai

logo miri gul-kari-e-vahshat ka sila kya

divane ko ik harf-e-dil-avez bahut hai

munim ki tarah pir-e-haram piite hain vo jaam

rindon ko bhi jis jaam se parhez bahut hai

maslub hua koi sar-e-rah-e-tamanna

avaz-e-jaras pichhle pahar tez bahut hai

‘majruh’ sune kaun tiri talkh-navai

guftar-e-azizan shakar-amez bahut hai

More Poems

Leave a Comment