ahmad-khayal

Sukut Todne Ka Ehtimam Karna Chahiye

sukut todne ka ehtimam karna chahiye

kabhi-kabhar khud se bhi kalam karna chahiye

adab men jhukna chahiye salam karna chahiye

khirad tujhe junun ko imaam karna chahiye

ulajh gae hain saare taar ab mire khuda tujhe

tavil dastan ka ikhtitam karna chahiye

tamam log nafraton ke zahr men bujhe hue

mohabbaton ke silsilon ko aam karna chahiye

mire lahu tu chashm aur ashk se gurez kar

tujhe ragon ke darmiyan khiram karna chahiye

More Poems

Leave a Comment