Poet
kya dil hai agar jalva-gah-e-yar na hove
hai tuur se kya kaam jo didar na hove
kuchh rang nahin naghma-o-ahang men us ke
bulbul jo baharan men giraftar na hove
dil jal jo gaya khuub hua sokhta behtar
vo jins koi jis ka kharidar na hove
shamshad ko deve hai qaza vaar ke tujh par
jo jaama tire qad pe saza-var na hove
niin bagh-e-mohabbat men ‘yaqin’ us ko kahin ja
jis dil men ki daghon sati gulzar na hove
Leave a Reply