Dr Naresh
sadaqat uThti jaati hai jahan se
zamin Takra na jaa.e asman se
sharar-ha-e-gham-e-hasti ko saaqi
bujha bhi de sharab-e-arghavan se
sitam-garon sitam se baaz aao
Daro ham na-tavanon ki fughan se
shab-e-gham ki hazin tanha.iyon men
sukun-e-dil koi laa.e kahan se
bahar aa.i na jab apne chaman men
mohabbat ho ga.i aḳhir ḳhizan se
jo dil ka haal sab un ko suna de
‘naresh’ aisi zaban la.un kahan se
Leave a Reply