Poet
adu ke haath se main jaam le kar pi nahin sakta
kisi kam-zarf ka ehsan le kar ji nahin sakta
kabhi ji chahta hai naam le kar zor se chiḳhun
na jaane naam kyon zalim ka phir le bhi nahin sakta
mire dil ne zamane men kuchh itne zaḳhm khaa.e hain
masiha bhi dil-e-sad-chak ko ab si nahin sakta
miri tishna-labi par ‘nur’ ye bhi tanz-e-saqi hai
bhare hain har taraf jam-o-subu aur pi nahin sakta
Leave a Reply