Rashid Anwar Rashid
ye soch kar main ruka tha ki tu pukarega
kise ḳhabar thi khanDar char-su pukarega
kabhi to shaḳh-e-ta.alluq men phuul a.enge
kabhi to sard badan ko lahu pukarega
main ek pal ke liye bhi agar hua ojhal
mira junun mujhe ku-ba-ku pukarega
zamin us ke liye tang hoti ja.egi
ḳhuda-e-ishq ko jo be-vuzu pukarega
kisi tarah bhi isharon se mutma.in na hua
shu.ur-e-zat tujhe ru-ba-ru pukarega
Leave a Reply