aftab-hussain

Kami Rakhta Hun Apne Kaam Ki Takmil Mein

kami rakhta huun apne kaam ki takmil men

mabada aap kho jaun kahin tamsil men

bahut shiddat rahi pahle kanar-e-chashm tak

umaD aaya hai ab vo sail rud-e-nil men

makan-e-jan larazta hai hava-e-hijr se

charagh-e-yad ko rakkhenge kis qindil men

ye ghadiyan aah pe mujh se gurezan hain agar

to phir main kyuun rahunga vaqt ki tahvil men

azab-e-barq-o-baran tha andheri raat thi

ravan thiin kashtiyan kis shaan se is jhiil men

More Poems

Leave a Comment