begana bana deta hai andaz-e-bayan aur
ho samna un ka to bahakti hai zaban aur
tez aag hui jaati hai ai soz-e-nihan aur
aansu jo Tapakte hain to uThta hai dhuan aur
ai ruuh na ho jaa.e kahin jism-e-giran aur
ghabra.e musafir to badalta hai makan aur
jab Dubte taron se ulajh jaati hain aahen
chha jaata hai mahfil pe charaghon ka dhuan aur
kis tarah se yaksan hon mohabbat ke taqaze
parvanon ke dil aur hain sham.on ki zaban aur
Leave a Reply