hava-e-hijr chali dil ki regzaron men
sharar jalte hain palkon ki shaḳh-saron men
koi to mauja-e-tufan idhar bhi aa nikle
safine Duub chale bahr ke kinaron men
unhin ki hasrat-e-rafta ki yadgar huun main
jo log rah ga.e tanha bhari baharon men
hamin vo sukhe hue zard peḌ hain jo kabhi
bahar banTte phirte the gul-ezaron men
‘zahir’ vo bhi samajhte hain ab zaban-e-ghazal
chhupao laakh gham-e-hijr isti.aron men
Leave a Reply