Sufi
ye sitam ik ḳhvahish-e-mauhum par
lutf farma ḳhatir-e-maghmum par
ai masarrat mere gham-ḳhane se duur
ye girani aur mire maqsum par
pursish-e-halat-e-gham se darguzar
rahm farma ab dil-e-marhum par
banda-parvar sirf itni arz thi
farz kuchh ḳhadim ke hain maḳhdum par
sabr karti hi rahi be-chargi
zulm hota hi raha mazlum par
kya mubassir dida-e-ḳhun-bar tha
tabsira karta raha maqsum par
ik tabassum tha javab-e-arzu
vus.aten qurban huiin mafhum par
ibtida-e-gham ki dur-andeshiyan
shaad hon anjam-e-na-ma.alum par
aaj tak ‘akbar’ huun main sabit-qadam
jada-e-ḳhuddari-e-mauhum par
Leave a Reply