shahida-hasan

Thahra Hai Qarib-E-Jaan Aa Kar

thahra hai qarib-e-jan aa kar

jaane ka nahin ye dhyan aa kar

aina liya to teri surat

hansne lagi darmiyan aa kar

tapke na ye ashk chashm-e-gham se

jaae na ye mehman aa kar

palti jo hava gae dinon ki

dohra gai dastan aa kar

qadmon se lipat gae hain raste

aata hi nahin makan aa kar

ja pahunchi zamin us se milne

milta na tha asman aa kar

More Poems

Leave a Comment