Pandit Daya Shankar Naseem Lakhnavi
be-ruḳh hai vo pari dil-e-divana kya kare
ro ro ke aankh bharti hai paimana kya kare
dast-o-zaban-o-dida-o-dil deti hain dua
karte hain vo yagane ki begana kya kare
kahta hi murgh-e-dil se vo hal-e-myan-e-ḳhat
sabza jo daam ho to use daana kya kare
bebas kiya hai mujh ko sar-e-zulf-e-yar ne
zanjir paanv men ho to divana kya kare
jaadu hai aankh surma na kyun-kar rahe ḳhamosh
sarkash hi zulf kandhe na de shana kya kare
dil ko na daagh dijiye bose ki chaaT par
jo bechta na hove vo bai.ana kya kare
Leave a Reply