ye shahr-e-tarab dekh bayaban men kya hai
ai ta.ir-e-vahshat tire imkan men kya hai
jugnu ki tarah phirte hain taare mire dil men
kis soch men gum huun ye mire dhyan men kya hai
kya un pe guzarti hai suno un ki zabani
zaḳhmon se kabhi puchho namak-dan men kya hai
inkar se iqrar ka rishta hai bhala kya
ye kufr ki surat mire iman men kya hai
yadon ki ghani chhanv hai ya gham ki siyahi
ashjar-sifat sehan-e-dil-o-jan men kya hai
Leave a Reply