akbar-masoom

Ye Sare Phul Ye Patthar Usi Se Milte Hain

ye saare phuul ye patthar usi se milte hain

to ai aziiz ham aksar usi se milte hain

ḳhuda gavah ki un men vahi halakat hai

ye tegh-o-tir ye ḳhanjar usi se milte hain

vo ek baar nahin hai hazar baar hai vo

so ham usi se bichhaḌ kar usi se milte hain

bichha hua hai vo goya bisat ki surat

ye sab safed-o-siyah ghar usi se milte hain

ye dhuup chhanv ye ab-e-ravan ye abr ye phuul

ye asman ye kabutar usi se milte hain

ye ḳhaas saz-e-azal se vo dajla-e-ahang

ye nil-o-zamzam-o-kausar usi se milte hain

ye motiya ye chameli ye mogra ye gulab

ye saare gahne ye zevar usi se milte hain

aqiiq gauhar-o-almas nilam-o-yaqut

ye sab nagine ye kankar usi se milte hain

More Poems

Leave a Comment