chup the bargad ḳhushk mausam ka gila karte na the
chal rahi thiin andhiyan patte sada karte na the
ham rasida the ki dekhen dusron ko sho.ala-pa
the safar men aur safar ki ibtida karte na the
band tha paani saf-ara the ghanim-e-ru-siyah
ham ada is par bhi rasm-e-karbala karte na the
mutma.in the ahl-e-maqtal nim-jan kar ke mujhe
kaisi hushyari thi sar tan se juda karte na the
ham ko kis shab zinda rahne ki havas hoti na thi
din men ham kab ḳhud-kushi ka faisla karte na the
kaise dur-andesh munsif the ki insafan mujhe
mante the be-ḳhata lekin riha karte na the
Leave a Reply