Ye Sanam Riwayat-O-Naql Ke Hubal-O-Manat Se Kam Nahin

ye sanam rivayat-o-naql ke hubal-o-manat se kam nahin

tera fikr vaiz-e-haq-nava kisi somnat se kam nahin

kahin barq chamke main jal uThun koi taara TuuTe main ro paḌun

ye dil-e-sitam-zada ham-nashin dil-e-kaenat se kam nahin

kahin rang-o-nur-e-jamal hai kahin bim-o-fikr-e-ma.al hai

kahin shaam ghairat-e-sub.h hai kahin din bhi raat se kam nahin

jise kahiye raqs-e-sharar-e-gham vo agar ho shamil-e-gham to phir

gham-e-dil ho ya gham-e-zindagi gham-e-kaenat se kam nahin

ye surur ‘aḳhtar’-e-dil-zada rajaz-e-bahar-o-shabab hai

ye buland hoti hui fughan alam-e-hayat se kam nahin

Leave a Comment