Ye Sach Hai Yahan Shor Ziyaada Nahin Hota

ye sach hai yahan shor ziyada nahin hota

ghar-bar ke bazar main par kya nahin hota

jabr-e-dil-e-be-mehr ka charcha nahin hota

tariki-e-shab men koi chehra nahin hota

har jazba-e-masum ki lag jaati hai boli

kahne ko kharidar paraya nahin hota

aurat ke khuda do hain haqiqi o majazi

par us ke liye koi bhi achchha nahin hota

shab-bhar ka tira jagna achchha nahin ‘zehra’

phir din ka koi kaam bhi puura nahin hota

Leave a Comment