Shahryar
ye qafile yadon ke kahin kho ga.e hote
ik pal bhi agar bhuul se ham so ga.e hote
ai shahr tira nam-o-nishan bhi nahin hota
jo hadse hone the agar ho ga.e hote
har baar palaTte hue ghar ko yahi socha
ai kaash kisi lambe safar ko ga.e hote
ham ḳhush hain hamen dhuup virasat men mili hai
ajdad kahin peḌ bhi kuchh bo ga.e hote
kis munh se kahen tujh se samundar ke hain haqdar
sairab sarabon se bhi ham ho ga.e hote
Leave a Reply