Tanveer Ahmad Alvi
kamand-e-halqa-e-guftar toḌ di main ne
ki mohr-e-dast-e-qalamkar toḌ di main ne
rivayaton ko salibon se kar diya azad
yahi rasan to sar-e-dar toḌ di main ne
ye mere haath hain aur be-shanaḳht ab bhi nahin
ye aur baat hai talvar toḌ di main ne
safine hi ko main sho.ala dikha ke nikla tha
jo apne haath se patvar toḌ di main ne
tahakkumana ada aur faisle dil ke
kaman-e-abru-e-ḳham-dar toḌ di main ne
girah girah jo kahin aur rishta rishta kahin
ye rasm-e-sub.ha-o-zunnar toḌ di main ne
vo da.eron se jo bahar na aa sake ‘tanvir’
vo rasm-e-gardish-e-parkar toḌ di main ne
Leave a Reply