Dayar-E-Gham Se Hum Bahar Nikal Ke Sher Kahte Hain

Balmohan Panday

dayar-e-gham se ham bahar nikal ke sher kahte hain

masa.il hain bahut se un men Dhal ke sher kahte hain

dahakte aag ke sho.alon pe chal ke sher kahte hain

hamen pahchan liije ham ghazal ke sher kahte hain

rivayat ke pujari is liye naraz hain ham se

ḳhata ye hai na.e raston pe chal ke sher kahte hain

hamen tanha.iyon ka shor jab bechain karta hai

ikaTThi karte hain yaden ghazal ke sher kahte hain

sitaron ki tarah raushan hain jin ke lafz zehnon men

vo shayad mom ki surat pighal ke sher kahte hain

hamari sha.iri us ko kahin rusva na kar Daale

so us ke shahr men thoḌa sambhal ke sher kahte