Afzal Ahmad Syed
ye nahr-e-ab bhi us ki hai mulk-e-sham us ka
jo hashr mujh pe bapa hai vo ehtimam us ka
sipah-e-taza bhi us ki saf-e-nigah se hai
safa-e-sina-e-shmshir par hai naam us ka
amaan khema-e-ram-khurdgan men baaqi hai
ki na-tamam hai ik shauq-e-qatl-e-am us ka
kitab-e-umr se sab harf ud gae mere
ki mujh asiir ko hona hai ham-kalam us ka
dil-e-shikasta ko laana hai ru-ba-ru us ke
jo mujh se narm hua koi band daam us ka
main us ke haath se kis zakhm men kami rakkhun
shuru-e-naz bhi us ka hai ikhtitam us ka
Leave a Reply