koi ta.amir ki surat nikalo
koi taaza bina-e-ishq Daalo
bulati hain tumhen yaden purani
charagh-e-raftagan fursat nikalo
mujhe chehron se ḳhauf aane laga hai
mire kamre se tasviren haTa lo
ye dariya hai guzar jaana hai is ko
musafir ho tum apna rasta lo
kahan ab vo libas-e-vaz.a-dari
bahut jaano agar ghurbat chhupa lo
vafa qimat nahin jo lauT aa.e
tum apna az-sar-e-nau ja.eza lo
nahin azar-e-jan koi to mirza
kisi divar ka saaya uTha lo
Leave a Reply