koi khabar bhi na bheji bahar ne aate
ki ham bhi qismat-e-mizhgan sanvarne aate
phir aarzu se taqaza-e-rasm-o-rah hota
nigah pe qarz the jitne utarne aate
ye zindagi hai har ik pairahan men sajti hai
nahin thi jiit nasibon men harne aate
koi sharar koi khushbu ki dil na bujh jaae
kisi bhi naam se khud ko pukarne aate
abhi yahan to nahin ho saki hikayat-e-jan
nae varaq pe nae naqsh ubharne aate
kabhi ghubar kabhi naqsh-pa-e-rah-ravan
vo rahguzar thi ki har ruup dharne aate
mira sukun bhi mire ansuon ke bas men tha
ye mehman miri duniya nikharne aate
jo ham nahin to sar-e-rah-guzar-e-dard ‘ada’
vo kaun the jo dil-o-jan ko varne aate
Leave a Reply