Kuchh Mujhe Ab Zindagi Apni Nazar Aati Nahin

kuchh mujhe ab zindagi apni nazar aati nahin

dosto muddat hui us ki khabar aati nahin

ru-ba-ru hote hi us ke aql ho jaati hai gum

kuchh ka kuchh bikne lagun huun baat kar aati nahin

us but-e-gumrah ko har-chand samjhata huun main

kya karun us ki tabiat raah par aati nahin

dil phansa hai us ke bas men dekhiye kya ho ‘nisar’

nagani jis zulf ke ohde se bar aati nahin

Leave a Comment