Barsi Hain Wo Aankhen Ki Na Baadal Kabhi Barse

barsī haiñ vo āñkheñ ki na bādal kabhī barse

andāza-e-ġham kyā ho magar dīda-e-tar se

vo chāragarī thī ki azīzoñ kī duā.eñ

lauT aa.ī haiñ mātam ke liye bāb-e-asar se

ik jabr-e-musalsal hai anāsir kī kahānī

muḳhtār kahe jaate the jab nikle the ghar se

shāyad koī manzil nahīñ is raah meñ paḌtī

vāpas nahīñ aatā koī yādoñ ke safar se

kis ishrat-e-rafta kī ye vahshat-e-asarī hai

dil Duub gayā qurb-e-shab-e-vasl ke Dar se

Leave a Comment