Main to Jhonka Hun Hawaon Ka uDa Le Jaunga

Kumar Vishwas

main to jhonka huun havaon ka uḌa le ja.unga

jagti rahna tujhe tujh se chura le ja.unga

ho ke qadmon pe nichhavar phuul ne but se kaha

ḳhaak men mil kar bhi main ḳhushbu bacha le ja.unga

kaun si shai mujh ko pahuncha.egi tere shahr tak

ye pata to tab chalega jab pata le ja.unga

koshishen mujh ko miTane ki bhale hon kamyab

miTte miTte bhi main miTne ka maza le ja.unga

shohraten, jin ki vaj.h se dost dushman ho ga.e

sab yahin rah ja.engi main saath kya le ja.unga