nam-e-tarsil ke soton ko chhupa.e rakkha
mujh sama.at ne sadaon ko chhupa.e rakkha
peḌ jalte rahe avara rahi gard-e-malal
dhuup ne abr ki chhanv ko chhupa.e rakkha
taaq tha ḳhvab tha tanha.i thi tariki thi
raat ne sirf charaghon ko chhupa.e rakkha
ishq men ham ne tamannaon ki vahdat ke liye
ek duuje se mizajon ko chhupa.e rakkha
ai chaman-zad-e-shafaq naz-e-gul-e-sarv-ḳhayal
ham ne ḳhud men tire ḳhvabon ko chhupa.e rakkha
ai yaqin-tab-badan teri tarashidagi se
main ne jhaḌti hui poron ko chhupa.e rakkha
dhuup ujla.e mira chehra ki main bhi sochun
saa.e ne kaise ḳharashon ko chhupa.e rakkha
Leave a Reply