Poet
main kis liye huun main kya huun kyon aa gaya huun yahan
ba-ru-e-a.ina kab se khaḌa huun main hairan
baḌi ariz-o-vasi.a hai bahut kushada hai
hai tang-daston pe phir tang kyon faza-e-jahan
jhalak dikha ke achanak sidhar jaata hai
misal-e-ḳhvab hasin hai haqiqat-e-insan
main sar nigun hi raha ghayat-e-nadamat se
palaT ga.i mire paas aa ke rahmat-e-yazdan
chhupa.e baiTha huun main jis ko dil ke pardon men
vo naqsh-e-ḳhvab abhi tak hai mavara-e-bayan
har ek dam men mire un ka dam bhi shamil hai
gham-e-jahan se ho kaise juda gham-e-janan
usi nazar usi shai ke hain muntazir ham to
kaman-e-yar se nikle jo par-fishan pechan
usi tabassum-e-shadab ki tamanna hai
hilal-e-lab se jo phuTe ḳhiraman-o-raqsan
ajiib rang the bazm-e-nashat-e-janan ke
ajiib sog men hain intizar ki ghaḌiyan
baghair un ke thi mumkin kahan guzar-auqat
garan hai daulat-e-qarun se daulat-e-yaran
tamam nau ke nairang us men hain ‘az.har’
ghazal tiri hai ki a.ina-e-bahar-o-ḳhizan
Leave a Reply