Hath Kyun Thakne Lage Hain Qatilon Se Puchhna

haath kyuuñ thakne lage haiñ qātiloñ se pūchhnā

ke bhī kyuuñ boltī haiñ gardanoñ se pūchhnā

tum ne to bas haal hī pūchhā thā mujh bīmār kā

aa ga.e haiñ kyuuñ umañD kar āñsuoñ se pūchhnā

jūjhte rahne kā hai sailāb se mafhūm kyā

kashtiyoñ ko khene vaale māñjhiyoñ se pūchhnā

bhūke bachche ke liye kyā shai hai mamtā kī taḌap

duudh se mahrūm maañ kī chhātiyoñ se pūchhnā

dhuup meñ patjhaḌ kī un kā peḌ se rishta hai kyā

sūkhe DanThal jin ke haiñ un pattiyoñ se pūchhnā

gūñjtī hai ik akele hans kī āvāz kyuuñ

kal mile the jin pe ham in sāhiloñ se pūchhnā

yaad hai ab tak mujhe ‘at.har’ ki merā baar baar

un ke naqsh-e-pā kahāñ haiñ rāstoñ se pūchhnā

Leave a Comment