Hasnain Aqib
haar kar baazi phir ik tadbir ho ja.unga main
tum samajhte ho yuun hi tasḳhir ho ja.unga main
ishq men is ke sava main kuchh nahin kar pa.unga
hu-ba-hu janan tiri tasvir ho ja.unga main
saath chhuTega nahin apna safar men umr ke
rahguzar tu aur tira rah-gir ho ja.unga main
ayaten mansub hain tujh se rumuz-e-ishq ki
aur inhi ayat ki tafsir ho ja.unga main
gham uThata huun ghazal kahta huun jiita rahta huun
log kahte hain ki ik din ‘mir’ ho ja.unga main
Leave a Reply