Anjum Saleemi
sab ko apne zehan se jhaTka ḳhud ko yaad kiya
lekin aisa sab kuchh luT jaane ke ba.ad kiya
us ko us ki apni qurbat ne sarshar rakkha
mujhe to shayad mere hijr ne hi barbad kiya
main bhi ḳhali ho kar apne ghar lauT aaya huun
us ne bhi ik virane ko ja abad kiya
kis shafqat men gundhe hue maula maan baap diye
kaisi pyari ruhon ko meri aulad kiya
ishq men ‘anjum’ le Duubi hai thoḌi si taḳhir
janmon pahle jo vajib tha vo ma-bad kiya
Leave a Reply