Sohail Akhtar
ye raaz us ne chhupaya hai ḳhush-bayani se
ki mera zikr bhi gha.eb hai ab kahani se
main ḳhvahishon ke namak ka huun Dher mat puchho
jo mera ḳhauf hai jazbon ke bahte paani se
ghurur toḌna main chahta huun dariya ka
badal de tu miri luknat ko ab ravani se
suḳhan men kuchh nahin e.ajaz ki tamanna hai
so arz karne lage ham bhi be-zabani se
main hiira to nahin poshida ko.ele men kahin
kabhi kabhi to lage Dar bhi be-nishani se
pahaḌ jaise dinon ko to kaaT luun lekin
nikal na pa.un main ik raat ki girani se
jo kaam jabr ki andhi bhi kar nahin paati
vo kaam hota hai ḳhamosh mehrbani se
maza liya gaya avargi ka ḳhuub ‘suhail’
malul main na hua apni be-makani se
Leave a Reply