Ek Aam Waqia

Geetanjali Rai

mujhe na samajhne vaale kuchh na samajhne vaale

aksar milte hain aur aage bhi milte rahenge

dekho tumhare hone na hone se koi khaas farq nahin aaya

in ki be-rukhi aksar tumhari shakl le leti hai

aur mujhe tumhari kami ka zara bhi ehsas nahin hota

kaash tumhen bhi kuchh aise pagal log milen

jo tumhen samajhne ki zid men aur pagal hue ja rahe hon

aur tum

ek aam vaqia samajh ke bhuul jaao mujhe