qaid men rakkha gaya qatra to ghaltan ho gaya
nuur ki nahron ko na-paida karan hona hi tha
shohra haikal ke liye avaza paikar ke liye
har tavana.i ko benam-o-nishan hona hi tha
ham ne kuchh yuun hi nahin jhela tha qarnon ka azaab
aḳhir us dair-ashna ko mehrban hona hi tha
tang jab kar di ga.i ham par zamin karte bhi kya
laziman ham ko zamin se asman hona hi tha
kahkashan ki samt uThne the abad-paima qadam
janib-e-sayyar tayyara ravan hona hi tha
tha qafas men bhi to tha favvara-e-ahang-o-rang
is parinde ko to jannat-ashiyan hona hi tha
Leave a Reply