qahr-e-mujassam husn-e-mukarram
aap hī sho.ala aap hī shabnam
aap na aa.e ye bhī na sochā
bazm meñ kitne dil hue pur-ġham
maan bhī lete un kī bāteñ
lekin kuchh āvāz thī maddham
aap ye āḳhir kyoñ haiñ pashemāñ
aap se kuchh shākī to nahīñ ham
yuuñ na jatāo apnī baḌā.ī
aap kī hastī ḳhud hai musallam
gūñjtī haiñ ab tak kānoñ meñ
bāteñ un kī thiiñ yā sargam
sun na sake ‘ashraf’ vo hamārī
baat thī sachchī ho ga.e barham