qahr-e-mujassam husn-e-mukarram
aap hi sho.ala aap hi shabnam
aap na aa.e ye bhi na socha
bazm men kitne dil hue pur-gham
maan bhi lete un ki baten
lekin kuchh avaz thi maddham
aap ye aḳhir kyon hain pasheman
aap se kuchh shaki to nahin ham
yuun na jatao apni baḌa.i
aap ki hasti ḳhud hai musallam
gunjti hain ab tak kanon men
baten un ki thiin ya sargam
sun na sake ‘ashraf’ vo hamari
baat thi sachchi ho ga.e barham
Leave a Reply