Ashraf Rafi
talḳhi-e-mai se sarḳhushi liije
kam se kam ek baar pi liije
sham.a ki tarah ro ke jiina kya
phuul ki tarah hans ke ji liije
kuchh to liije bahar-e-hasti se
na sahi phuul pankhuḌi lijiye
ishq ki rif.aten na hon rusva
daman-e-chak-chak si liije
maut is daur men nahin mushkil
hausla hai to zindagi liije
sher men log kya nahin kahte
aap ‘ashraf’ ki baat hi liije
Leave a Reply