Poet
jo pinhan tha vahi har su ayaan hai
ye kahiye lan tarani ab kahan hai
jo pahunche haath zanjiron ko toden
garche paanv apna darmiyan hai
chamak lal-e-ba-dakhshan ki mita de
tire honton pe aisa rang paan hai
tujhe kahta huun sun o vahshat-e-dil
vahan le chal jahan vo dil-sitan hai
vo hon nazuk-mizaj ai ham-safiro
rag-e-gul mujh ko khar-e-ashiyan hai
mua jaata huun main tarz-e-nigah se
tire lab ki masihai kahan hai
bula kar us se do baten to sun le
ye kahte hain ki ‘goya’ khush-bayan hai
Leave a Reply