us ka lahja ukhaḌta jaata hai
phir bichhaḌne ka vaqt aata hai
us ka andaz-e-guftugu akasr
mere lahje men jagmagata hai
us ki sansen jab aag deti hain
mera chehra bhi timtimata hai
pyaas jab eḌiyan ragaḌti hai
chashma-e-ab phuuT jaata hai
jab bhi aata hai phuul kajal ke
mere kandhe pe Taank jaata hai
main chakoron ka ham-nava huun mujhe
tu shab-e-hijr se Darata hai
der tak main bhi main nahin rahta
jab vo mere qarib aata hai
Leave a Reply