Us Ka Lahja ukhaDta Jata Hai

us kā lahja ukhaḌtā jaatā hai

phir bichhaḌne kā vaqt aatā hai

us kā andāz-e-guftugū akasr

mere lahje meñ jagmagātā hai

us kī sāñseñ jab aag detī haiñ

merā chehra bhī timtimātā hai

pyaas jab eḌiyāñ ragaḌtī hai

chashma-e-āb phuuT jaatā hai

jab bhī aatā hai phuul kājal ke

mere kāñdhe pe Taañk jaatā hai

maiñ chakoroñ kā ham-navā huuñ mujhe

tū shab-e-hijr se Darātā hai

der tak maiñ bhī maiñ nahīñ rahtā

jab vo mere qarīb aatā hai

Leave a Comment