Asim Tanha
sub.h miTTi hai shaam hai miTTi
ya.ani apna maqam hai miTTi
kis jagah par karun basera main
jo bhi hai vo qayam hai miTTi
da.imi kuchh nahin hai rahne ko
jis ko dekho davam hai miTTi
ab to aa aur tu sambhal use
dekh le ye ghulam hai miTTi
laghzish-e-zindagi se ilm hua
maut ka hi payam hai miTTi
main ne dafna diya hai ḳhvahish ko
kyunki ḳhvahish ka naam hai miTTi
miTTi hai be-zaban magar ‘tanha’
be-zaban ka kalam hai miTTi
Leave a Reply