kuchh nahin kah rahi ye raat mujhe
dard se chahiye najat mujhe
jaane lagta hai aisa kyuun mujh ko
phir girana hai somnat mujhe
be-niyazi ki is bulandi par
kuchh nahin kahte sanehat mujhe
jab nikalta huun da.ere se kabhi
khinch leti hai ka.enat mujhe
ye jahan main sanvar ja.unga
raas aa.i agar hayat mujhe
sab taghayyur hai jab haqiqat men
kise mumkin ki ho sabat mujhe
mil ga.i to main din bana.unga
raushni se bhari davat mujhe
chalte-phirte hue ujale men
DhunD leti hai roz raat mujhe
Leave a Reply