Gham-E-Hayat Ko Na-KHush-Gawar Kar Na Saka

ġham-e-hayāt ko nā-ḳhush-gavār kar na sakā

mirā zamīr mujhe sharmsār kar na sakā

ḳhirad ko nazr-e-fareb-e-bahār kar na sakā

junūñ kī aam ravish iḳhtiyār kar na sakā

na pūchh ġham kī nazākat ajiib raaz hai ye

ki maiñ nigāh se bhī āshkār kar na sakā

qalīl vaqfa-e-hastī ne kar diyā majbūr

ba-qadr-e-zauq tirā intizār kar na sakā

Leave a Comment