samajh men aati hai badal ki ah-o-zari ab
vo mehrban mujhe bhi bahut rulata hai
mumasalat hi nahin saath rahne valon men
koi batae mujhe kis se mera naata hai
laga ki qufl mire khvab ke darichon ko
tira khayal azabon se kyuun darata hai
samajh men aata nahin zinda hain ki murda hain
kabhi to marta hai aur kabhi jilata hai
hazaron taare hain teri hatheliyon men magar
tu aa ke ghar se mere chand kyuun churata hai
Leave a Reply