sub.h-dam bhi yuun fasurda ho gaya
ai dil-e-nazuk tujhe kya ho gaya
sina-e-barbat se jo sho.ala uTha
gham-zadon ke dil ka naghma ho gaya
shukriya ai gardish-e-jam-e-sharab
main bhari mahfil men tanha ho gaya
raat dil ko tha sahar ka intizar
ab ye gham hai kyuun savera ho gaya
puchhiye us se gham-e-saz-e-ḳhulus
chaar hi din men jo rusva ho gaya
bujh ga.i kuchh is tarah sham-e-‘salam’
jaise ik bimar achchha ho gaya
Leave a Reply