jo bhi chahen aap marzi aap ki
jaa.en aa.en aap marzi aap ki
dil laga.en aap marzi aap ki
dil dukha.en aap marzi aap ki
ham baha.en ashk ye apna nasib
muskura.en aap marzi aap ki
imtihan ham ishq ka denge zarur
azma.en aap marzi aap ki
dard-e-dil se aap ko kya vasta
bas chala.en aap marzi aap ki
shaad dil ho gar tumhen ham dekh len
ya rula.en aap marzi aap ki
main to chahunga hamesha aap ko
ab bata.en aap marzi aap ki
ab suna.en kis ko ‘haidar’ hal-e-dil
likh ke jaa.en aap marzi aap ki
Leave a Reply