Poet
tere bikhre lafz bhi afkar se aari nahin
is haqiqat se to koi shaḳhs inkari nahin
phailta jaata hai ik sartan tere jism men
nashtaron ke ḳhauf se mat kah ye bimari nahin
guzre vaqton ye ibarat men to kho kar rah gaya
vaqt ke mathe ki tahriron ka tu qaari nahin
teri har avaz un ke shor men dab ja.egi
un ka maqsad to tira hanka hai shashkari nahin
maslahat-andesh to kotah-andeshon men hai
aa.ina tera abhi maila hai zangari nahin
Leave a Reply