Naeem Zarrar Ahmad
shu.ur-e-zat ke sanche men Dhalna chahta huun
main girne se bahut pahle sambhalna chahta huun
libas-e-adam-e-ḳhaki badalna chahta huun
main apne jism se bahar nikalna chahta huun
tumhari yaad ki barish men jalna chahta huun
main sang-o-ḳhisht huun lekin pighalna chahta huun
mire andar ḳhazane hain ugalna chahta huun
tah-e-patal ko chhu kar uchhalna chahta huun
mujhe pichhe nahin rahna hai jiine ki tamanna
husain ibn-e-ali ke saath chalna chahta huun
Leave a Reply