Yashab Tamanna
vasl bhi hijr tha visal na tha
mil rahe the magar ḳhayal na tha
mil rahe the ki donon tanha the
guftugu men bhi qil-o-qal na tha
mere aur us ke darmiyan abhi
koi bhi silsila bahal na tha
raste ḳhatm ho chuke the magar
vapsi ka koi saval na tha
ye bhi ik marhala tamam hua
ho ga.e the juda malal na tha
vo tira husn ho ki ishq mira
koi paband-e-mah-o-sal na tha
Leave a Reply