Yahya Khan Yusuf Zai
ye mujh men jo be-intiha tanha.i hai
is dasht ki ab-o-hava tanha.i hai
main dard ke naghme suna.unga tumhen
tum jaan lena mudda.a tanha.i hai
mujh tak pahunchne ko hai ik rah-e-amal
aur jaan lo vo rasta tanha.i hai
jo bhiiḌ men chehre kahin gum ho ga.e
un se mira ab rabta tanha.i hai
main us maqam-e-zat tak laaya gaya
har ibtida har intiha tanha.i hai
jis ko yahan par kamyabi mil ga.i
us ki saza tanha.i ya tanha.i hai
Leave a Reply